پاکستان ریلوے دا مسافر گڈیاں تے سٹیشناں اُتے فری وائی فائی سروس چالو کرن دا فیصلا

پاکستان ریلوے دا مسافر گڈیاں تے سٹیشناں اُتے فری وائی فائی سروس چالو کرن دا فیصلا

لاہور (پاکستان پوائنٹ نیوز15۔اگست 2016ء) پاکستان ریلوے نے مسافر ٹریناں تے ریلوے سٹیشناں اُتے فری وائی فائی سروس چالو کرن دا فیصلا کیتا اے۔ تفصیل دے مطابق پاکستان ریلوے نے اپنے سارے ضلعی ریلوے سٹیشناں تے مسافر ٹریناں اُتے فری وائی فائی سہولت دین دا فیصلا کیتا اے۔ وفاقی ریلوے وزیر خواجا سعد رفیق نے ڈی جی آئی ٹی دی نگرانی ہیٹھ اک کمیٹی بنا دِتی اے۔

تجویز کیتے گئے منصوبے نوں کُجھ ہفتیاں وچ ای مکمل طور اُتے چالو کر دِتا جاوے گا جدکہ محکمے نوں ڈیجیٹل بنان تے آئن لائن ٹکٹ سسٹم لئی وائی فائی سروس شروع کیتی جاوے گی۔ جدکہ محکمے دے منصوبے وچ آن لائن ٹکٹ سسٹم، ٹیلی کانفرنسنگ دی سہولت، وائی فائی دی سہولت سنے ہور منصوبے شامل نیں۔ یاد رہوے کہ ریل گڈیاں وچ وائی فائی دی سہولت پہلی وار نہیں دِتی جاوے گی بلکہ ایس توں پہلے بزنس کلاس گڈیاں وچ مسافراں نوں وائی فائی دی سہولت دِتی گئی اے۔ ایس سروس نوں پچھلے ورھے شروع کیتا گیا سی۔