قندیل بلوچ قتل کیس: مفتی قوی دی گرفتاری لئی پولیس نے ٹیماں بنا دِتیاں

قندیل بلوچ قتل کیس: مفتی قوی دی گرفتاری لئی پولیس نے ٹیماں بنا دِتیاں

ملتان (پاکستان پوائنٹ نیوز15۔اگست 2016ء) قندیل بلوچ قتل کیس وچ مفتی قوی دی گرفتاری لئی پولیس نے ٹیماں بناں دِتیاں نیں۔ پولیس وسیلیاں دے مطابق کسے وی ویلے مفتی قوی نوں گرفتار کیتا جا سکدا اے۔ پولیس وسیلیاں دے مطابق ملتان وچ قندیل بلوچ قتل کیس وچ مفتی قوی دی گرفتاری لئی پولیس دیاں ٹیماں بنا دِتیاں گئیاں نیں۔جدکہ مفتی صاحب دی گرفتاری دے بعد اوہناں نوں پولیس لائن یا کسے وی تھانے وچ رکھیا جا سکدا اے جدکہ مقدمے وچ نامزد ہونے والے مفتی قوی دا نمبر بندا اے۔

پولیس دے مطابق گرفتاری دے بعد قوی توں تفتیش کیتی جائے گی تے تفتیش دے بعد قتل وچ ملوث ہون یاں نہ ہون بارے پتا چلے گا۔ جدکہ ایس مقدمے وچ ملزم وسیم تے حق نواز دی پولی گرافک رپورٹ وی پولیس نوں مل گئی اے جہدے وچ ملزماں دے بیان تے رپورٹ وچ جُڑت پائی گئی اے۔ رپورٹ دے مطابق قتل دے ویلے مقتولہ نے کوئی حرکت نہیں کیتی کیوں کہ قتل توں پہلے اوہدے کھانے وچ نشے والیاں گولیاں رلا دِتیاں گئیاں سن جدکہ قتل ویلے ملزم حق نواز نے قندیل بلوچ دے ہتھ پیر پھڑے تے وسیم نے اوہدا گلا کُٹیا۔