کوئٹہ(پاکستان پوائنٹ نیوز24۔جون2017ء) کوئٹہ وچ اپنی گڈی ہیٹھاں ٹریفک پولیس اہلکار نوں مِدھن والے ملزم ایم پی اے مجید اچکزئی نوں عدالت وچ پیش کر دتا گیا اے۔ مجید اچکزئی نوں بکتر بند گڈی وچ عدالت لیاندا گیا۔ میڈیا رپورٹس مطابق رکن بلوچستان اسمبلی مجید اچکزئی نے بکتر بند گڈی توں لتھدے ای میڈیا نوں تنقید دا نشانا بنا دتا۔ مجید اچکزئی نے پرچا کاراں توں سوال کیتا کہ تہانوں لوکاں نوں پولیس والیاں نے پہلے توں ای دعوت دے دتی سی؟ بے شرم نہ ہون ۔
ایس دوران اوہناں عدالت اندر جاندے ہوئے اک ہور پرچاکاراں توں سوال کیتا کہ تہانوں کل دہشت گردی دے واقعے دی ویڈیو نہیں ملی، صرف اک ٹریفک سپاہی دی ویڈیو ملی اے؟۔ چیتے رہوے کہ ایم پی اے مجید اچکزئی دی گڈی نے 20جولائی نوں ٹریفک پولیس دے اہلکار نوں مِدھ دتا سی۔
