نکی عید اُتے لوکائی نوں پیسیاں دی فراہمی جاری رکھن لئی سٹیٹ بنک نے اُچیچیاں ہدایتاں جاری کر دتیاں

اسلام آباد(پاکستان پوائنٹ نیوز24۔جون2017ئ) نکی عید اُتے لوکائی نوں پیسیاں دی فراہمی جاری رکھن لئی سٹیٹ بنک نے اُچیچیاں ہدایتاں جاری کر دتیاں نیں۔ تفصیل مطابق سٹیٹ بنک نے ہدایت کیتی کہ لوکائی نوں بغیر کسے اوکڑ توں پیسیاں دی فراہمی جاری رکھی جائے۔ سٹیٹ بنک مطابق سارے بنک ہن اے ٹی ایم توں کرنسی دی فراہمی یقینی بنان۔ سٹیٹ بنک مطابق لوکائی لئی اُچیچیاں ٹیماں عید اُتے اے ٹی ایمز دی انسپکشن کرن گیاں۔