بھارتی جاسوس کلبھوشن یادیو دی دوجی اعترافی بیان دی ویڈیو ساہمنے آ گئی

بھارتی جاسوس کلبھوشن یادیو دی دوجی اعترافی بیان دی ویڈیو ساہمنے آ گئی

راولپنڈی(پاکستان پوائنٹ نیوز22۔جون2017ئ) بھارتی جاسوس کلبھوشن یادیو دی اعترافی بیان والی اک ہور ویڈیو ساہمنے آ گئی اے۔ میڈیا رپورٹس مطابق بھارتی جاسوس کلبھوشن یادیو نے نویں ویڈیو وچ دہشت گردی تے ریاست مخالف سرگرمیاں دا اعتراف کیتا اے۔ بھارتی جاسوس کلبھوشن یادیو نے اپنے بیان وچ آکھیا کہ دہشت گردی تے ریاست مخالف سرگرمیاں وچ ملوث رہیا واں۔بھارتی جاسوس نے اپنے بیان وچ سندھ تے کراچی وچ ’را‘ دیاں سرگرمیاں دا اعتراف وی کیتا۔ کلبھوشن نے اپنے اعترافی بیان وچ آکھیا کہ میں کمانڈر کلبھوشن سدھیر یادیو آں۔ میرا ہندوستان نیوی دا نمبر 41558زولو اے۔ میں بحریا افسر آں، میرا کوڈ ناں حسین مبارک پٹیل اے۔ پاکستان دے بحری اثاثیاں دیاں جاسوسی لئی مُڑ پاکستان آیا۔ پاکستان جاسوسی لئی 2005تے 2006وچ آیا۔ کلبھوشن نے اعتراف کیتا کہ اوہدے ساحلی علاقیاں وچ بحریا اُتے حملے کیتے۔اوہناں کہنا سی کہ بھارتی ایجنسی ’را‘ نے اندازا لا لیا سی کہ 2014وچ مودی دی حکومت ہوئے گی۔ ایس لئی میریاں خدمتاں ’را‘ دے حوالے کر دتیاں گئیاں۔ کلبھوشن نے کہ مکران دے ساحلی علاقے کراچی، کوئٹہ، بلوچستان تے تربت، وچ دہشت گردی کروان دی ذمے واری مینوں دتی گئی۔ پاکستان تے کراچی وچ فساد کھلارنا میرا مقصد سی۔ کلبھوشن نے آکھیا کہ ایس سلسلے وچ میری تے انیل کمار دی ملاقات الوک جوشی نال ہوئی۔ ایس دوران کراچی تے ساحلی علاقیاں وچ دہشتگردی دی منصوبا بندی کیتی گئی۔ کلبھوشن دا اپنے بیان وچ ہور کہنا سی کہ میں ایران دے ساحلی شہر چار بہار وچ رہندا سی تے اوتھے منڈا ٹریڈنگ کمپنی دے ناں توں کاروبار شروع کیتا۔