آرمی چیف دا کور ہیڈ کوارٹر پشاور دا دورا، پاک افغان سرحدی صورتحال بارے بریفنگ دتی گئی

پاک فوج ملک اندروں ساریاں برائیاں دے خاتمے تے ترقی دی راہ وچ آن والیاں اوکڑاں دور کرن لئی اداریاں نال اے،فوج سٹیٹس کو دے حق وچ نہیں، پاک فوج فاٹا اصلاحات دی بھرپور حمایت کردی اے: آرمی چیف دی میڈیا نال گل بات

آرمی چیف دا کور ہیڈ کوارٹر پشاور دا دورا، پاک افغان سرحدی صورتحال بارے بریفنگ دتی گئی
 پاک فوج ملک اندروں ساریاں برائیاں دے خاتمے تے ترقی دی راہ وچ آن والیاں اوکڑاں دور کرن لئی اداریاں نال اے،فوج سٹیٹس کو دے حق وچ نہیں، پاک فوج فاٹا اصلاحات دی بھرپور حمایت کردی اے: آرمی چیف دی میڈیا نال گل بات

راولپنڈی(پاکستان پوائنٹ نیوز14۔جون2017ء) آرمی چیف جنرل قمر جاوید باجوہ نے کور ہیڈ کوارٹر پشاور دا دورا کیتا،دورے دوران آرمی چیف نوں پاک افغان سرحدی صورتحال، دہشت گردی خلاف جاری آپریشنز تے آئی ڈی پیز دی واپسی دے عمل اُتے بریفنگ دتی گئی۔ ڈی جی آئی ایس پی آر مطابق آرمی چیف جنرل قمر جاوید باجوہ نے میڈیا نال گل بات کردے ہوئے آکھیا کہ اسیں افغانستان نوں بردار گوانڈھی سمجھدے آں۔

دہشت گرداں نوں پاکستان تے افغانستان دا سانجھا دشمن سمجھدے آں۔ آرمی چیف دا کہنا سی کہ خطریاں نال نبڑن لئی باہمی اعتماد نال جواب دینا ضروری اے۔ اک پاسی ایکشن بے ثمر ثابت ہوئے گا۔ پاکستان انٹیلی جنس شیئرنگ کر رہیا اے۔ پاک آرمی خفیہ معلومات اُتے کارروائی لئی ہر ویلے تیار اے۔ اوہناں دا کہنا سی کہ الزاماں دی بجائے اعتماد اُتے مبنی اقدامات کرنے چاہیدے۔

پاک فوج دے آپریشنز دیاں کامیابیاں نوں دیرپا امن وچ تبدیل کیتا جا رہیا اے۔ اوہناں نے واضح کیتا کہ ڈرون حملے دہشت گردی خلاف جاری آپریشن نوں متاثر کرن دے برابر نیں۔ ڈرون حملے دہشت گردی خلاف سانجھی جنگ نوں نقصان پہنچاندے نیں۔ آرمی چیف نے آکھیا کہ فوج سٹیٹس کو دے حق وچ نہیں، پاک فوج فاٹا اصلاحات دی بھرپور حمایت کردی اے۔ فاٹا نوں قومی دھارے وچ لیان لئی اصلاحات ضروری نیں۔ جنرل قمر دا کہنا سی کہ پاک فوج ملک اندروں ساریاں برائیاں دے خاتمے تے ترقی دی راہ وچ آن والیاں اوکڑاں دور کرن لئی اداریاں نال اے۔