شریف برادران چاہندے نیں کہ اوہناں کولوں کرپشن تے لُٹ مار دا حساب کوئی نہ منگے: ڈاکٹر یاسمین راشد

شریف برادران چاہندے نیں کہ اوہناں کولوں کرپشن تے لُٹ مار دا حساب کوئی نہ منگے: ڈاکٹر یاسمین راشد

لاہور(پاکستان پوائنٹ نیوز13۔اگست 2016ء) ایڈوائزر چیئرمین پاکستان تحریک انصاف ڈاکٹر یاسمین راشد نے آکھیا اے کہ (ن) لیگ جھوٹھی سیاست کر رہی اے، شریف برادران چاہندے نیں کہ اوہناں کولوں کرپشن دا حساب نہ منگیا جاوے، جدکہ عمران خان کرپشن خلاف سڑکاں اُتے آئے نیں تے اوہ حکمراناں ولوں لُٹی ہوئی دولت دا حساب لین گے۔ تحریک انصاف دے کارکناں نال گل بات کردے ہوئے اوہناں نے آکھیا کہ نواز شریف قوم سامنے صرف ایس وجہ توں جھوٹھ بول رہیا اے تاں جے اوہ اپنی کرپشن تے لُٹ مار دی دولت نوں لُکا سکے پر اوہ اپنے ایجنڈے وچ کسے صورت کامیاب نہیں ہو سکدا۔

کیوں جے تحریک انصاف اوہناں دی کرپشن تے لُٹ مار خلاف سڑکاں اُتے آ گئی اے، تے جدوں تیکر حکمراناں دا شفاف احتساب نہیں ہووے گا اسیں اوہناں خلاف سڑکاں اُتے عوام دی جنگ لڑاں گے تے حکمراناں نوں مجبور کر دیاں گے۔ اوہناں نے آکھیا کہ عوام عمران خان دی تحریک احتساب وچ اوہناں دا ساتھ دین ۔