کراچی: سیاسی جماعت دا ٹارگٹ کلر گرفتار، 11 بندیاں دے قتل دا اعتراف: پولیس

کراچی (پاکستان پوائنٹ نیوز13۔اگست 2016ء) پولیس نے کارروائی کرکے ٹارگٹ کلر نوں گرفتار کر لیا اے، گرفتار ٹارگٹ کلر نے سیاسی جماعت دے کہن تے گیارھاں بندیاں نوں قتل کیتا۔ ایس ایس پی پولیس ایسٹ کراچی دا کہنا اے کہ پولیس نے ٹیپو سلطان روڈ اُتے کارروائی کردے ہوئے سیاسی جماعت دے اک اہم ٹارگٹ کلر نوں گرفتار کر لیا اے۔ ملزم ڈی ایم سی دا ملازم اے۔ گرفتار ٹارگٹ کلر نے مڈھلا بیان دیندے ہوئے جرم قبول کردے ہوئے آکھیا کہ اوہنے سیاسی جماعت تے آکھن تے گیارھاں بندیاں نوں قتل کیتا۔ پولیس نے ملزم خلاف ہور تفتیش شروع کر دِتی اے۔