شورکوٹ: وزیرا عظم نواز شریف دی اپنے گن مین گھر آمد، دوپہر دا کھانا اوہدے گھر کھادا

شورکوٹ (پاکستان پوائنٹ نیوز13۔اگست 2016ء) وزیر اعظم نواز شریف ہفتے دے دیہاڑے شور کوٹ توں خانیوال ایم 4 سیکشن موٹروے منصوبے دی نینہ رکھن دے بعد۔ اپنے گن مین دے جدی گھر پہنچے۔ جِتھے گن مین دے گھر والیاں نے وزیر اعظم دا چاہواں نال استقبال کیتا۔ میڈیا رپورٹ دے مطابق وزیر اعظم نواز شریف اپنے گن مین دے گھر والیاں نال گھل مِل گئے۔ جدکہ اوہناں دی آمد تے گھر والے بہت خش ہوئے تے وزیر اعظم نواز شریف نے دوپہر دا کھانا وی اوہناں دے گھر کھادا۔ جتھے روایتی کھانیاں دا انتظام موجود سی۔