کوئٹہ دھماکے دا اک ہور زخمی دم دے گیا، موتاں دی گنتی 74 ہوگئی

کوئٹہ (پاکستان پوائنٹ نیوز13۔اگست 2016ء) کوئٹہ سول ہسپتال دھماکے دا اک ہور زخمی دم دے گیا، جہدے بعد موتاں دی گنتی 74 ہو گئی اے۔ سی ایم ایچ ہسپتال دے وسیلیاں دے مطابق 8 اگست نوں سول ہسپتال وچ ہون والے بم دھماکے دا اک ہور زخمی، ڈاڈھے زخماں پاروں دم دے گیا جہدے بعد فوت ہون والیاں دی گنتی ودھ کے 74 ہو گئی اے جدکہ فوت ہون والے بندے دا ناں فیض اللہ ایڈووکیٹ دسیا گیا اے۔ دوجے پاسے 40 توں ودھ زخمی کراچی دے آغا خان ہسپتال وچ زیر علاج نیں جہناں دی حالت خطرے وچ دسی جاندی اے۔