لودھراں: رُسی بیوی نوں منان وچ ناکامی تے خاوند نے سس تے سالے سنے 4 بندے قتل کر دِتے

لودھراں (پاکستان پوائنٹ نیوز13۔اگست 2016ء) دنیا پور دے پنڈ 376 ڈبلیو بی وچ خاوند نے رُسی بیوی نوں منان اُتے ناکامی دے بعد فائرنگ کرکے سس تے سالے سنے چار بندیاں نوں قتل کر دِتا۔ پولیس وسیلیاں دے مطابق ہفتے دے دیہاڑے 376 ڈبلیو بی وچ ایہ واقعا اوس ویلے پیش آیاجدوں ملزم طاہر اپنی رُسی بیوی نوں منان پیکے پہنچیا۔ ملزم دی بیوی کئی دناں توں خاوند نال رُس ہوکے پیکے آئی ہوئی سی تے طاہر جدوں اوہنوں منان لئی گیا تے سوہریاں نال جھیڑا ہو گیا، جہدے نتیجے وچ ملزم نے فائرنگ کر کے سس، سالے تے اوہدی بیوی تے دھی نوں قتل کر دِتا۔ پولیس دا کہنا اے کہ ملزم دی گرفتاری لئی چھاپے مارے جا رہے نیں۔جدکہ پولیس نے واقعے دا مقدما درج کردے ہوئے ملزم دی تلاش شروع کر دِتی اے۔