کراچی (پاکستان پوائنٹ نیوز13۔اگست 2016ء) سی پی ایل سی دی رپورٹ وچ دسیا گیا اے کہ چالو ورھے دے دوران کراچی توں بالاں دے اغوا ہون دے 136 مقدمے درج کیتے گئے۔ تفصیل دے مطابق سی پی ایل سی ولوں جاری کردا رپورٹ وچ دسیا گیا اے کہ چال وورھے کراچی شہر توں 136 بال دے اغوا یاں گواچن دے مختلف تھانیاں وچ مقدمے درج کیتے گئے نیں۔ رپورٹ وچ دسیا گیا اے کہ 136 وچوں 111 بال چھڈوائے گئے نیں، سی پی ایل سی رپورٹ وچ ہور دسیا گیا اے کہ بالاں دے گواچن دے حوالے نال سبھ توں زیادا 46 واقعات ضلع سینٹرل وچ پیش آئے۔
جدکہ ڈسٹرکٹ ساؤتھ وچ 38 ، ڈسٹرکٹ ایسٹ وچ 4، ڈسٹرکٹ ملیر کورنگی وچ 1 تے ڈسٹرکٹ ویسٹ وچ 19 بال گواچے یا ں اغواہون دے مقدمے درج ہوئے نیں۔ یاد رہوے کہ پچھلے ورھے کراچی توں 199 بال لاپتا ہون دی رپورٹ سامنے آئی سی جدکہ پولیس وسیلیاں دے مطابق چالو ورھے 25 اغوا دے مقدمے ہُن وی تفتیش ہیٹھ نیں۔ پولیس وسیلیاں نے ہور دسیا کہ زیادا بالاں نوں تاوان دے بدلے اغوا کیتا گیا اے جدکہ باقی بالاں نوں بازیاب کروان دے حوالے نال کم جاری تے جلد اوہناں نوں بازیاب کروا لیا جائے گا۔
