سپریم کورٹ نے حسین نواز دی تصویر لیک ہون دے معاملے تے جے آئی ٹی کولوں جواب منگ لیا

سپریم کورٹ نے حسین نواز دی تصویر لیک ہون دے معاملے تے جے آئی ٹی کولوں جواب منگ لیا

اسلام آباد(پاکستان پوائنٹ نیوز09۔جون2017ء) سپریم کورٹ نے حسین نواز دی درخاست اُتے تصویر لیک معاملے تے جے آئی ٹی توں جواب منگ لیا، تصویر لیک ہون بارے درخاست دی سنوائی 12جون نوں اک وجے ہووے گی۔ عدالت نے حکم دتا کہ جے آئی ٹی ممبران حسین نواز دی تصویر لیک ہون دی وضاحت جمع کروان۔ میڈیا رپورٹس مطابق سپریم کورٹ پاناما عملدرآمد کیس وچ 7جون دی سنوائی دا تحریری حکم ناماجاری کر دتاگیا ۔

جے آئی ٹی دی15دِنا کارروائی دی رپورٹ سپریم کورٹ وچ 22جون نوں پیش کیتی جائے گی۔ درخاست دی سنوائی جسٹس اعجاز افضل دی سربراہی وچ تن رکنی بنچ کرے گا۔ جے آئی ٹی دے سربراہ نے رپورٹ وچ مسائل دی نشان کاری وی کیتی۔ عدالت نے آکھیا کہ جے آئی ٹی اپنیاں تحقیقات دوران پیدا ہون والے مسائل دی وکھ درخاست دیوے جدکہ عدالت جے آئی ٹی دی رپورٹ سیل کر کے رجسٹرار آفس جمع کروان دی ہدایت کر دتی اے۔ عدالت نے آکھیا کہ پاناما کیس وچ جے آئی ٹی دیاں تحقیقات ٹھیک انداز وچ اگانہ ودھ رہیاں نیں، امید اے کہ جے آئی ٹی مِتھے ویلے وچ اپنی رپورٹ مکمل کر لوے گی۔