پنجاب بھر دے کالجاں تے یونیورسٹیاں نوں گرمیاں دیاں چھٹیاں 4جون توں ہون گیاں

پنجاب بھر دے کالجاں تے یونیورسٹیاں نوں گرمیاں دیاں چھٹیاں 4جون توں ہون گیاں

فیصل آباد(پاکستان پوائنٹ نیوز25۔مئی2017ء) پنجاب بھر دے کالجاں تے یونیورسٹیاں وچ گرمیاں دیاں چھٹیاں چار جون ایتوار توں شروع ہون گیاں جدکہ 27 یاں 28مئی نوں پہلا روزہ ہون کارن پڑھیار تے پڑھیارناں دے ماں، پنجاب پروفیسر اینڈ لیکچررز ایسوسی ایشن نے چھٹیاں چھیتی ای شروع کرن دا مطالبا کیتا ا ے ۔ چیتے رہوے کہ پنجاب بھر دے سکولاں وچ گرمیاں دیاں چھٹیاں جمعرات توں شروع ہو گئیاں نیں۔

ہائر ایجوکیشن ڈیپارٹمنٹ پنجاب تے ڈائریکٹوریٹ آف کالجز دے وسیلیاں نے دسیا کہ ایس سلسلے وچ سیکرٹری ہائر ایجوکیشن ڈیپارٹمنٹ پنجاب ولوں ایس توں پہلے 7مارچ 2017نوں نوٹی فکیشن جاری کیتا گیا سی ، نوٹی فکیشن مطابق پنجاب بھر دے کالجاں تے یونیورسٹیاں سنے ہائر ایجوکیشن دے ہور سرکاری، نیم سرکاری، نجی، پرائیویٹ تعلیمی اداریاں وچ گرمیاں دیاں چھٹیاں 4جون توں 14اگست تک رکھیاں گئیاں سن پر ہن جدکہ 27یاں 28مئی نوں روزے شروع ہو رہے نیں پر گرمیاں دیاں چھٹیاں دے نوٹی فکیسن اُتے کوئی نظر ثانی نہیں کیتی گئی تے نہ ای ایہدے وچ کوئی تبدیلی دا سرکلر جاری کیتا گیا اے۔