سری نگر(پاکستان پوائنٹ نیوز24۔مئی2017ء) مقبوضہ کشمیر وچ بھارت نواز جماعت نیشنل کانفرنس دے رہنما آغا روح اللہ نے انکشاف کیتا اے کہ بھارت بدنام زمانا اسرائیلی خفیہ ادارے ’موساد‘ دے مشورے نال مقبوضہ کشمیر وچ اک جعلی ’دولت اسلامیہ‘ گروپ بنان دے منصوبے اُتے کم کر رہیا اے۔ میڈیا رپورٹ مطابق آغا روح اللہ نے ’سینٹر فار پیس اینڈ پراگرس‘ دے آہر ہیٹھ جموں کشمیر دے حوالے نال منعقد اک کانفرنس دوران خطاب کردے ہوئے آکھیا کہ ’موساد‘ دے تعاون نال مقبوضہ کشمیر وچ اک اجیہے نظریے نوں فروغ دین دی کوشش کیتی جا رہی اے۔
اوہناں نے آکھیا کہ اک جعلی ’دولت اسلامیہ‘ گروپ قائم کر کے کشمیریاں خلاف ہور طاقت آزمائی دا جواز پیدا کرن دی کوشش کیتی جا رہی اے۔ آغا روح اللہ نے آکھیا کہ اوہناں نوں پتا چلیا اے کہ بھارتی وزیر داخلا راج ناتھ سنگھ نے ’موساد‘ دے سربراہ نال نویں دِلی وچ ملاقات کیتی اے۔ اوہناں نے آکھیا کہ مقبوضہ کشمیر وچ ایس ویلے جو صورتحال اے اوہ پاکستان دی پیداکیتی ہوئی نہیں اے بھارت مقبوضہ علاقے وچ ڈاڈھی طرحاں ناکام ہویا اے۔ آغا روح اللہ نے آکھیا کہ کشمیریاں نال بھارتی حکومت دا سلوک چنگا نہیں اے۔
