دہشتگردی خلاف جنگ وچ حکومت دی حمایت کراں گے: جہانگیر ترین

اسلام آباد (پاکستان پوائنٹ نیوز10۔اگست 2016ء) جہانگیر ترین دا کہنا اے کہ دہشت گردی خلاف جنگ وچ حکومت دی کسے شرط توں بغیر حمایت کراں گے۔ تفصیل دے مطابق قومی اسمبلی دے اجلاس دے بعد میڈیا نال گل بات کردے ہوئے جہانگیر ترین ہوراں دا کہنا سی کہ کوئٹہ دُکھانت ملکی سالِمیت اُتے حملا اے۔ دہشت گردی خلاف جنگ وچ حکومت دی غیر مشروط حمایت کراں گے۔ جدکہ فوج نوں وی مکمل سپورٹ دِتی جاوے گی۔ اوہناں دا کہنا سی کہ نواز شریف خلاف تحریک احتساب جاری ای رہوے گی۔ اوہناں دا کہنا سی کہ نواز شریف دا ناں اسیں نہیں دِتا بلکہ عالمی اداریاں دی رپورٹ وچ اے۔ کرپشن خلاف تحریک انصاف دی مہم لئی ورکرز نوں تیار کرنا اے۔ اوہناں نے آکھیا کہ پنجاب تے سندھ وچ وی کرپشن خلاف ریلیاں کڈھاں گے۔