ٹورازم ڈیپارٹمنٹ داڈبل ڈیکر بساں وچ وادھا کرن دا فیصلا

لاہور(پاکستان پوائنٹ نیوز10۔اگست 2016ء) لاہوریاں لئی خوشخبری، ٹورازم ڈیپارٹمنٹ نے ڈبل ڈیکربساں دی گنتی وچ وادھے دی خواہش دا اظہار کیتا اے، 6 کروڑ رُپئے دیاں ہور تِن بساں جلدی سڑکاں اُتے چلن گئیاں۔ تفصیل دے مطابق سیاحت دے فروغ لئی لاہور شہر دیاں سڑکاں اُتے لال رنگ دیاں بساں تے ساریاں نے ویکھیاں ہون گیاں۔ ٹورازم ڈیپارٹمنٹ نے اوہناں دی گنتی وچ وادھے لئی ہور بساں منگوان دا فیصلا کیتا اے۔ ٹورازم ڈیپارٹمنٹ دے ترجمان دے مطابق چائنہ توں منگوائیاں جان والیاں بساں لئی کم جاری اے تے دسمبر دے پہلے ہفتے وچ ایہ بساں سڑکاں اُتے سیاحاں دی تفریح لئی چالو ہو جان گیاں جہناں نوں مُل لین اُتے 6 کروڑ رُپئے خرچ کیتے جان گے۔