پشاور: محکما انسداد دہشتگردی دی کارروائی، غیر ملکی انٹیلی جنس دے دو اہلکار گرفتار

پشاور(پاکستان پوائنٹ نیوز10۔اگست 2016ء) محکما انسداد دہشتگردی نے پشاوروچ کارروائی کردے ہوئے دو غیر ملکی انٹیلی جنس دے اہلکاراں نوں گرفتارکر لیا اے۔ تفصیل دے مطابق غیرملکی انٹیلی جنس دے دو اہلکاراں نوں گرفتار کر لِتا گیا۔ اہلکاراں دی شناخت صبور تے عتیق اللہ دے ناں نال ہوئی اے جہناں دا تعلق افغانستان توں اے۔ سی ٹی ڈی دے مطابق دوویں اہلکاراں دے قبضے توں دستی بم، کمپیوٹر تے ہور آلات برآمد ہوئے نیں۔حراست وچ لِتے گئے اہلکار پشاور وچ مخصوص فرقے نوں نشانا بنان دی منصوبا بندی کر رہے سن۔ سی ٹی ڈی دے مطابق دوویں اہلکاراں نوں لکھاں رُپئے مہینا تنخواہ دِتی جاندی اے جدکہ ملزماں کولوں اہم مقاماں دی ویڈیو وی ملی اے۔