اسلام آباد(پاکستان پوائنٹ نیوز22۔مئی2017ء) پاکستان وچ امریکا دے سفیر ڈیوڈ ہیل نے آرمی چیف جنرل قمر جاوید باجوہ نال ملاقات کیتی۔ امریکی سفارتخانے ولوں جاری بیان وچ آکھیا گیا اے کہ امریکی سفیر نے اسلامک امریکی کانفرنس دوران امریکی صدر ڈونلڈ ٹرمپ دے خطاب دا حوالا دتا جہدے وچ اوہناں نے دہشت گردی تے شدت پسندی دے خاتمے لئی امن، سکیورٹی، خشحالی تے اتحاد اُتے وچار وٹاندرا کیتا سی۔
ڈیوڈ ہیل نے دہشت گردی خلاف جنگ وچ پاکستانی کردار تے قربانیاں دی تصدیق کیتی۔ امریکی سفیر نے جنرل قمر جاوید باجوہ دے 18مئی نوں کیتے گئے وعدے اُتے شکریا ادا کیتا جہدے وچ اوہناں نے یقین دہانی کروائی سی کہ کسے وی قیمت اُتے کسے وی ریاست خلاف پاکستانی زمین دہشت گردی لئی نہیں ورتن دی اجازت دتی جائے گی۔
