بیجنگ(پاکستان پوائنٹ نیوز22۔مئی2017ء) چائنہ پاور انٹرنیشنل کمپنی دے سربراہ چھیاوباوپھنگ نے آکھیا اے کہ پاکستان وچ ہوا نال بجلی پیدا کرن دے منصوبے اُتے کم شروع کر دتا گیا اے، حب وچ کوئلے نال چلن والے پاور پلانٹ دی اُساری جاری اے، ایس پاور پلانٹ نال ہر سال 9ارب کلو واٹ بجلی پیدا ہووے گی، حب پاور پلانٹ نال پاکستان دے 40لکھ شہریاں لئی بجلی دی کمی دا مسئلا ختم ہو جائے گا۔
چائنہ ریڈیو انٹرنیشنل دے مطابق چائنہ پاور انٹرنیشنل کمپنی دے سربراہ چھیاوباوپھنگ نے آکھیا اے کہ کہدی بیلٹ اینڈ روڈ منصوبے تحت چین تے دوجے ملکاں وچکار بجلی دے شعبے وچ تعاون اگانہ ودھ رہیا اے۔ چائنہ پاور انٹرنیشنل کمپنی، لمیٹڈ ولوں پاکستانی علاقے حب وچ کوئلے نال چلن والے پاور پلانٹ دی اُساری دا کم جاری اے۔ ایس پاور پلانٹ دے قیام مگروں ہر سال 9ارب کلو واٹ بجلی پیدا ہووے گی۔ اوہناں دا کہنا سی کہ پاکستان وچ ہوا نال بجلی پیدا کرن دے منصوبے اُتے کم شروع کر دتا گیا اے۔ ایس توں وکھ سٹیٹ گرڈ دے حوالے نال اطلاع ملی اے کہ پاکستان وچ مٹیاری توں لاہور تک ڈائریکٹ کرنٹ دی ٹرانسمیشن لائن دا منصوبا اہم منصوبیاں دی لسٹ وچ شامل اے۔
