اسلام آباد(پاکستان پوائنٹ نیوز22۔مئی2017ء) سپریم کورٹ وچ اک وڈیری مائی نے عمران خان دا راہ روکدے ہوئے اپنا کیس ساہمنے رکھ کے امداد دی اپیل کر دتی۔ وسیلیاں دے مطابق سوانی نے عمران خان نوں آکھیا کہ میرا کیس کوئی نہیں لڑ رہیا، میری دھی اغوا ہو گئی اے میری کوئی گل نہیں سن رہیا۔ وڈیری مائی دی گل سُنن مگروں عمران خان نے تحریک انصاف دے وکیل فیصل چودھری نوں کیس سُنن دی ہدایت کیتی۔
ذکر کیتی گئی مائی دا تعلق بلوچستان توں سی۔ مائی دا عمران خان نوں کہنا سی کہ میں چھ ورھیاں توں سپریم کورٹ آ رہی آں پر میرا کیس کوئی نہیں سن رہیا۔عمران خان مائی دی گل سُنن مگروں اگانہ نوں ودھے پر مائی نے اک وار دہائی دتی کہ میری گل تے سُنو! میں تہاڈی ماں ورگی اے۔ جہدے مگروں عمران خان نے وڈیری مائی نوں تسلی دیندے ہوئے آکھیا کہ میں تہاڈی گل سُن لئی اے تے ایہدے اُتے عمل ہووے گا۔
