پشاور(پاکستان پوائنٹ نیوز22۔مئی2017ء) تحریک انصاف دے پشاور سوشل میڈیا دفتر اُتے نامعلوم اہلکاراں نے چھاپا ماریا، اہلکار سی سی ٹی وی فوٹیج، ڈیٹا کارڈز تے کیبلز وی نال لے گئے۔ میڈیا رپورٹس دے مطابق پی ٹی آئی دے سوشل میڈیا انچارج فرقان دا کہنا اے کہ ساڈے پشاور دفتر اُتے نامعلوم اہلکاراں نے چھاپا ماریا اے۔ معاملے بارے پارٹی قیادت نوں دس دتا اے۔
ا وہناں دا کہنا سی کہ چوری اے یاں کسے ادارے دی کارروائی ایس حوالے نال کُجھ نہیں آکھ سکدے۔ سکیورٹی گارڈاں نے کوئی کارروائی نہیں کیتی۔ تحریک انصاف نے الزام لایا کہ ایف آئی اے نے پی ٹی آئی دے سوشل میڈیا دفتر اُتے چھاپا ماریا۔ اہلکار ڈیٹا کارڈز تے کیبلز وی لے گئے۔ دوجے پاسے ایف آئی انے الزام نوں رد کردے ہوئے آکھیا اے کہ ایس طرحاں دی ساڈے ولوں کوئی کارروائی نہیں کیتی گئی۔
