لاہور(پاکستان پوائنٹ نیوز10۔اگست 2016ء) کوئٹہ دُکھانت دے بعد لاہور سنے پنجاب بھر وچ عدالتاں دی سکیورٹی سخت کر دِتی گئی۔ سپریم کورٹ لاہور رجسٹری، ہائی کورٹ تے ماتحت عدالتاں وچ اصل شناختی کارڈ وکھائے بغیر کسے نوں داخل ہون دی اجازت نہیں دِتی جا رہی جدکہ کوئٹہ دُکھانت دا سوگ وی جاری اے تے اج وی وکیل عدالتاں وچ پیش نہیں ہوئے۔تفصیل دے مطابق جسٹس سید منصور علی شاہ دی صدارت ہیٹھ ہون والے اجلاس وچ فیصلا کیتا گیااے کہ سپریم کورٹ لاہور رجسٹری، ہائی کورٹ تے ماتحت عدالتاں دی سکیورٹی سخت، تے بغیر شناختی کارڈ دے بندیاں نوں داخل ہون نہیں ہون دِتا جاوے گا۔
تے ہر بندے دی عدالت وچ آن ویلے تلاشی لِتی جاوے گی۔جدکہ پارکنگ وچ صرف مخصوص سٹیکر والیاں گڈیاں نوں ای عدالتی پارکنگ وچ آن دی اجازت ہووے گی،ججاں تے بار کونسلاں دیاں عمارتاں دی سکیورٹی وی سخت کیتی جاوے گی۔ دوجے پاسے کوئٹہ دُکھانت خلاف اج وی وکیلاں دا سوگ جاری رہیا۔
