کوئٹہ(پاکستان پوائنٹ نیوز19۔مئی2017ء) عوامی مسلم لیگ دے سربراہ شیخ رشید نے آکھیا اے کہ بلوچستان دی ترقی پاکستان دی ترقی اے، سی پیک دی حمایت کردے آں پر اکھاں بند نہیں کر سکدے، اسیں گوادر دے نوجواناں نوں بے روزگار نہیں ویکھ سکدے، نواز شریف دے گِنے جا چکے نیں چھیتی سیاسی جنازہ نکلے گا۔ اوہناں نے کوئٹہ وچ پی ٹی آئی دے جلسے نال خطاب کردے ہوئے آکھیا کہ تجارت لئی راہ دے رہے آں، 43سال لئی ایہ زمین چین نوں دتی اے، بنکاک انڈونیشیا سنے چین لئی ساری دنیا دے راہ بند نیں پر چین ساڈا بھرا اے، اسیں سی پیک دی حمایت کردے آں پر اکھاں بند نہیں کر سکدے۔
اوہناں نے آکھیا کہ اسیں گوادر دے نوجواناں نوں بے روزگار نہیں ویکھ سکدے۔ نواز شریف قوم نوں گوادر دے ناں اُتے دھوکھا دے رہے نیں۔ اوہناں نے آکھیا کہ بھارت سُن لووے اسیں دوستی چاہندے آں پر کشمیریاں اُتے ظلم نہیں چاہندے۔ اوہناں نے آکھیا کہ نواز شریف تے جندال دی ملاقات وچ غیر ذمے واری دا وکھالا کیتا گیا، نواز شریف دے دن گنے جا چکے نیں چھیتی ای سیاسی جنازہ نکلے گا۔
