پاکستان نے عالمی عدالت دے دائرا اختیار نوں اک وار فیر چیلنج کر دتا

پاکستان نے عالمی عدالت دے دائرا اختیار نوں اک وار فیر چیلنج کر دتا

اسلام آباد(پاکستان پوائنٹ نیوز19۔مئی2017ء) پاکستان نے عالمی عدالت دے دائرا اختیار نوں اک وار فیر چیلنج کر دتا، پاکستان ولوں آن والے 6ہفتیاں وچ اک وار فیر سنوائی دی درخاست کیتی جائے گی۔ میڈیا رپورٹس دے مطابق پاکستان عالمی عدالت انصاف وچ اپنا وکیل وی نہیں بدلے گا بلکہ پاکستانی وکیل خاور قریشی ای عدالت وچ پیش ہون گے۔ دوجے پاسے بھارتی جاسوس کلبھوشن کول اپنی سزا نوں اپیل کورٹ وچ چیلنج کرن دا آخری دن اے۔

چیتے رہوے کہ جمعرات دے دیہاڑے بھارتی جاسوس کلبھوشن دی سزائے موت اُتے عملدرآمد روکن لئی عالمی عدالت انصاف ولوں حکم امتناع جاری کیتا گیا۔ کلبھوشن یادیو نوں 10اپریل نوں موت دی سزا سنائی گئی سی۔ قانون دے مطابق ملزم 40دن وچ سزائے موت نوں چیلنج کر سکدا ے جدکہ 60دناں وچ آرمی چیف تے آرمی چیف دے فیصلے مگروں 90 دناں وچ صدر مملکت توں اپیل کر سکدا اے۔