میں سیاست چھڈ کے کوئی انقلابی گروپ جوائن کر لواں گا: شیخ رشید

اسلام آباد(پاکستان پوائنٹ نیوز16۔مئی2017ء) نجی ٹی وی چینل دے پروگرام وچ گل بات کردے ہوئے عوامی مسلم لیگ دے سربراہ شیخ رشید نے آکھیا کہ میں عمران خان نوں دو گلاں آکھیاں، اک ایہ کہ مینوں تہاڈی اک گل بہت پسندی اے جو تُسیں آکھدے او کہ ہاردا اوہی اے جو ہار من لے۔ اوہناں دا کہنا سی کہ میں عمران خان نوں آکھیا کہ مینوں تہاڈی ایمانداری وی بہت پسند اے پر جے تہاڈے دور وچ وی غریب دی حالت نہ بدلی فیر میری زندگی دا مشن تباہ ہو جائے گا، فیر مینوںکوئی انقلابی گروپ جوائن کرنا پئے گا، میں اکثر آکھنا واں کہ میں سیاست چھڈ دیواں گا ۔ اوہناں دا کہنا سی کہ میں اک آپ مارو سیاستدان آں جو اپنا تابوت اپنے موڈھے اُتے رکھ سکدا اے۔ اوہناں نے ہور کیہ آکھیا تُسیں وی سنو!