دبئی توں آن والے2 مسافر گرفتار، 110قیمتی موبائل تے 2لیپ ٹاپ برآمد

دبئی توں آن والے2 مسافر گرفتار، 110قیمتی موبائل تے 2لیپ ٹاپ برآمد

ملتان(پاکستان پوائنٹ نیوز03۔مئی2017ء) کسٹم حکام ملتان نے دبئی توں آن والے دو مسافراں کولوں منگل دی سویر 110قیمتی موبائل تے دو لیپ ٹاپ برآمد کرکے اوہناں نوں گرفتار کر لیا۔ ماڈل کسٹم کلکٹریٹ ملتان دے مطابق دبئی توں آن والی اُڈان 339 دے دو مسافراں یاسر علی تے سید محمد اقبال جو کراچی دے رہائشی نیں ، کولوں دو لیپ ٹاپ تے اک سو دس قیمتی موبائل فون برآمد کر لئے گئے، کسٹم حکام دے مطابق دوویں ملزماں نے بہت سارے موبائل اپنے جُسے نال لیپ ٹاپ دی مدد نال چموڑے ہوئے سن۔ چھاپا مار ٹیم دے مطابق مڈھلے اندازے مطابق لیپ تے موبائل فونز دی قیمت تقریبن 50لکھ رُپئے اے۔