بدین(پاکستان پوائنٹ نیوز03۔مئی2017ء) پیپلز پارٹی دے شریک چیئرمین آصف علی زرداری نے آکھیا اے کہ میاں صاحب ججاںنے آکھ دتا، ہن تہانوں جانا پئے گا، تُسیں مارچ دی اُڈیک وچ او تاں جے سینیٹ لے سکو، پر میں تہانوں سینیٹ نہیں لین دیواں گا، ہن اسیں سینیٹ تے قومی اسمبلی دوویں لواں گے، پنجاب وچ آپ نکلیا واںاوتھے وی حکومت بناواں گے۔ تفصیل دے مطابق اج بدین وچ جلسے نال خطاب کردے ہوئے آصف علی زرداری دا کہنا سی کہ میاں صاحب نے سی پیک وچ سارے پراجیکٹس اپنے رشتے داراں لئی بنائے نیں، سی پیک صرف کے پی کے تے بلوچستان لئی بنایا گیا اے تاں جے سکیورٹی مل سکے تے علاقے دی اُساری ہو سکے۔
اوہناں دا کہنا سی کہ نواز شریف نوں پاکستان دی نہیں بلکہ اپنے نفع دی گل سمجھ وچ آﺅندی اے۔ آصف زرداری نے آکھیا کہ میاں صاحب نوں ہن جانا پئے گا، ہن تے ججاں نے وی آکھ دتا اے، اک مہینے وچ جاﺅ یاں اگلے تن مہینیاں وچ پر تہانوں جانا ای پئے گا۔ آصف زرداری نے آکھیا کہ تُسیں مارچ دی اُڈیک وچ او تاں جے تُسیں سینیٹ لے سکو، پر میں تہانوں سینیٹ نہیں لین دیواں گا، پہلے وی سینیٹ نہیں لین دتا، ہن سینیٹ تے قومی اسمبلی دوویں اسیں لواں گے۔ اوہناں نے آکھیا کہ پنجاب وچ ہن میں آپ نکلاں گا۔ انشا اللہ ایس وار ی اسیںپنجاب وچ وی حکومت بناواںگے، پنجاب وچ سانوں چنگا رسپانس مل رہیا اے۔ ایس موقعے اُتے آصف زرداری نے شیر نوں کاغذی تے بلے نوں دیسی قرار دتا۔
