وزیر اعظم نواز شریف دی بھارتی تاجر نال ملاقات:پی ٹی آئی ولوں قومی اسمبلی وچ تحریک التواءجمع

اسلام آباد(پاکستان پوائنٹ نیوز28۔اپریل2017ء) تحریک انصاف نے قومی اسمبلی سیکرٹریٹ وچ وزیر اعظم خلاف تحریک التواءجمع کروا دتی اے، جہدے وچ ایوان وچ آن والے اجلاس دا ایجنڈا ملتوی کرن دی سفارش وی کیتی گئی اے۔ میڈیا رپورٹس دے مطابق رکن قومی اسمبلی پی ٹی آئی مراد سعید نے ایوان وچ جمع کروائی گئی تحریک التواءوچ مطالبا کیتا اے کہ ایوان نوں چاہیدا کہ اوہ بھارتی تاجر سجن جندال دے معاملے اُتے وزیر اعظم توں وضاحت منگے۔ جندال دی پاکستان آمد بڑی تشویشناک اے جدکہ بھارتی جاسوس کلبھوشن دی سزا مگروں سجن جندال دی خفیہ آمد معنی خیز وی اے۔