راولپنڈی(پاکستان پوائنٹ نیوز27۔اپریل2017ء) آرمی چیف جنرل قمر جاوید باجوہ دی ہدایت اُتے پاک فوج دے وفد نے افغانستان دا دورا کیتا۔ آئی ایس پی آر دے مطابق فوجی وفد دی قیادت چیف آف جنرل سٹاف لیفٹیننٹ جنرل بلال اکبر نے کیتی۔ فوجی وفد نے افغانستان دے دورے دوران افغان آرمی چیف تے وزیر دفاع نال ملاقات کیتی۔ ملاقات دوران افغانستان وچ مزار شریف واقعے اُتے ہرکھ دا وکھالا کیتا گیا۔
لیفٹیننٹ جنرل بلال اکبر نے مزار شریف وچ دہشت گردی دا نشانا بنن والے متاثرا بندیاں تے زخمیاں دے پاکستان وچ مفت علاج دی پیشکش وی کیتی۔ ایس توں وکھ ملاقات وچ دو پاسی بارڈر مینجمنٹ نوں ہور بہتر بنان اُتے وی اتفاق کیتا گیا۔ لیفٹیننٹ جنرل بلال اکبر نے افغان قیادت نوں دسیا کہ پاکستان دے سارے علاقےاں اُتے پاک فوج دا مکمل کنٹرول اے۔ پاکستانی فوجی وفد نے افغان حکام نال دو پاسی بارڈر کورآڈنیشن اُتے وی مذاکرات کیتے۔ ترجمان دا کہنا اے کہ افغانستا ن نوں دسیا اے کہ پاکستان اپنی زمین نوں افغانستان خلاف نہیں ورتن دیوے گا۔
