وزیر اعلا پنجاب دا فیصل آباد وچ میٹرو بس بنان دا اعلان

وزیر اعلا پنجاب دا فیصل آباد وچ میٹرو بس بنان دا اعلان

فیصل آباد(پاکستان پوائنٹ نیوز15۔اپریل2017ء) وزیر اعلا پنجاب میاں محمد شہباز شریف نے اج فیصل آ باد دا دورا کیتا۔ تفصیل دے مطابق وزیر اعلا پنجاب میاں شہباز شریف نے اج فیصلا آباد دا دورا کیتا۔ اپنے دورے دے دوران اوہناں خزانے دا مونہ کھول دتا۔ فیصل آباد وچ ہسپتال دی تقریب نال خطاب وچ وزیر اعلا پنجاب نے فیصل آباد وچ جدید ہسپتال بنان دا اعلان کیتا۔

وزیر اعلا دا کہنا سی کہ فیصل آباد وچ چلڈرن ہسپتال ارباں رُپئے لاکے بنایا جا رہیا اے۔ اوہناں نے آکھیا کہ ستمبر 2017وچ چلڈرن ہسپتال دی اُساری دا کم پورا کر لیا جائے گا۔ ہسپتال لئی برطانیا توں ماہر ڈاکٹرز پاکستان بلان دی گل کیتی گئی اے۔ وزیر اعلا دا کہنا سی کہ لاہور وانگ فیصل آباد وچ وی سیف سٹی منصوبا شروع کیتا جائے گا۔ اوہناں نے فیصل آباد وچ انفارمیشن ٹیکنالوجی یونیورسٹی بنان دا وی اعلان کیتا۔وزیر اعلا پنجاب دا کہنا سی کہ احتجاج دی سیاست نے ملک نوں پچھانہ دھکا دتا سی۔ لوک پہلے آکھدے سن کہ میٹرو بس وچ کرپشن ہوئی تے ارباں رُپئے لُٹے گئے پر اج پشاور وچ وی میٹرو بس چلا رہے نیں۔ وزیر اعلا پنجاب نے آکھیا کہ میٹرو بس ضرور چلاﺅ پر اوہنوں جنگلا بس نہ آکھو۔