اسلام آباد(پاکستان پوائنٹ نیوز05۔اگست 2016ء) پاکستان تحریک انصاف دے چیئرمین عمران خان نے آکھیا اے کہ موٹو گینگ کولوں پُچھنا واں کہ اج عمران خان کیوں یاد آگیا، جدوں قانون توڑیا تے کارروائی کیوں نہیں کیتی گئی۔ حکمران جو مرضی کر لین میں اوہناں خلاف آخری حد تیکر جاواں گا، مینوں نظر آ رہیا اے کہ اقتدار ملنا زیادہ دور نہیں اے، اقتدار مل گیا تے الزام نہیں لاواں گا بلکہ سِدھا جیل گھلاں گا، پرسوں 7 اگست توں کرپشن خلاف خیبر پختونخوا توں تحریک شروع ہووے گی، فیر اسلام آباد توں راولپنڈی تیکر جاوے گی، فیر مزید ہور وسعت دیاں گے، کرپشن دے خلاف تحریک وچ نیب، ایف بی آر، الیکشن کمیشن تے اسٹیٹ بنک اُتے ٹھیک کم کرن اُتے زور پاواں گے۔
تفصیل دے مطابق جمعے دے دیہاڑے میڈیا نال گل بات کردے ہوئے عمران خان نے آکھیا کہ موٹو گینگ کولوں پُچھنا واں کہ اج عمران خان کیوں یاد آگیا، جدوں قانون توڑیا تے کارروائی کیوں نہیں کیتی گئی۔ حکمران جو مرضی کر لین میں اوہناں خلاف آخری حد تیکر جاواں گا، مینوں نظر آ رہیا اے کہ اقتدار ملنا زیادہ دور نہیں اے، اقتدار مل گیا تے الزام نہیں لاواں گا بلکہ سِدھا جیل گھلاں گا، پرسوں 7 اگست توں کرپشن خلاف خیبر پختونخوا توں تحریک شروع ہووے گی، فیر اسلام آباد توں راولپنڈی تیکر جاوے گی، فیر مزید ہور وسعت دیاں گے، کرپشن دے خلاف تحریک وچ نیب، ایف بی آر، الیکشن کمیشن تے اسٹیٹ بنک اُتے ٹھیک کم کرن اُتے زور پاواں گے۔
اوہناں دا کہنا سی کہ خیبر پختونخوا دے شعبیاں اندر جہڑی وی کرپشن دی مد وچ ریکوری کراں گے اوہناں وچوں 25 فیصد کرپشن پھڑن والیاں نوں دیاں گے۔ اسیں اک اک یونیورسٹی ایکٹ پاس کیتا اے۔ ایسے طرحاں ہسپتال نوں آپ مختاری دتی اے۔ سی ایم ہاؤس دا مہینا وار منافع اک لکھ ملے گا، جدکہ ایہنوں کمرشلائزکراں گے۔ عوام اوتھے ٹھہرن گے تے لکھاں رُپئے کماواں گے۔
اوہناں دا آکھنا سی کہ پولیس نوں اسیں با اختیار بنا دِتا اے۔ ہُن کوئی وی سفارش اُتے بھرتی نہیں ہوندا۔ عمران خان دا کہنا سی کہ مینوں احتساب توں ڈر نہیں لگدا، میں تے پہلے ای آکھ چکیاں واں کہ جہڑے ٹی او آرز دے تحت وزیر اعظم دا احتساب ہووے گا اوسے ٹی او آرز دے تحت میں وی احتساب لئی تیار آں۔ پر میاں صاحب نوں پتا نہیں اپنے ای ٹی او آرز کولوں کیوں خوف اے۔
