پشاور جیل وچ بھارتی قیدی اُتے حملا، جیل سپریٹنڈنٹ دی تصدیق

پشاور (پاکستان پوائنٹ نیوز05۔اگست 2016ء) پشاور جیل وچ اک بھارتی قیدی حامد نہال اُتے ساتھی قیدیاں ولوں دوبارہ حملا،حملے دی تصدیق جیل سپریٹنڈنٹ نے کر دِتی ۔ تفصیل دے مطابق جیل سپریٹنڈنٹ مسعود الرحمان نے دسیا کہ واقع معمولی نوعیت دا سی تے ایس طرحاں دے واقعات عام طور اُتے ہوندے رہندے نیں۔ پشاور ہائی کورٹ وچ سپریٹنڈنٹ نے دسیا کہ نہال انصاری نامی قیدی اپنی تِن سالا قید کٹ رہیا اے تے ایس دوران اوہنوں ڈیتھ سیل وچ رکھیا گیا اے۔ جیل سپریٹنڈنٹ دا آکھنا سی کہ نہال نوں سکیورٹی خدشیاں پاروں قیدیاں دے نال عام بیرکاں وچ نہیں رکھیا جا سکدا۔