جاوید ہاشمی دا سینیٹ نوں ہور اختیارات دین لئی آئین وچ ترمیم دا مطالبا

جاوید ہاشمی دا سینیٹ نوں ہور اختیارات دین لئی آئین وچ ترمیم دا مطالبا

اسلام آباد (پاکستان پوائنٹ نیوز5۔اگست 2016ء) سینئر سیاستدان جاوید ہاشمی نے سینیٹ نوں ہور اختیارات دین لئی آئین وچ ترمیم دا مطالبا کردے ہوئے آکھیا اے کہ سینیٹ تے قومی اسمبلی دوواں چوں وزیر اعظم نوں چُنیا جاوے، سینیٹ نوں بائی پاس کرنا ٹھیک نہیں۔ اوہناں دا آکھنا سی کہ موجودہ طریقہ کار نال نِکے صوبیاں نوں ایہ تاثر جاندا اے کہ وزیر اعظم اوہی ہووے گا جہنوں پنجاب چوں اکثریت حاصل ہووے۔

اوہناں دا آکھنا سی کہ عمران خان سڑکاں اُتے آکے فیر ویلا ضائع کرے گا، بہتر اے کہ اوہ اسمبلی وچ آکے احتساب لئی قانون سازی وچ حصہ لووے، اوہناں نے آکھیا کہ دھرنے ویلے جے میں اک دن وی دیر کر دیندا تے ترکی وانگ بغاوت کرن والے 5 جرنیلاں نے چیف جسٹس نوں اسمبلیاں توڑن دا آکھ دینا سی، اوہناں نے آکھیا کہ پارلیمنٹ دے اندر اُلو بول رہے نیں، گیلریاں خالی پئیاں نیں جے اسمبلی پنج سال پورے نہ کر سکی تے ملک تباہ ہو جاوے گا۔