وسیم اکرم نال خراب تعلقات پاروں پاکستان ٹیم نوں نقصان ہویا: وقار یونس

وسیم اکرم نال خراب تعلقات پاروں پاکستان ٹیم نوں نقصان ہویا: وقار یونس

لاہور (پاکستان پوائنٹ نیوز5۔اگست 2016ء) سابق کپتان وقار یونس نے اعتراف کردے ہوئے آکھیا اے کہ وسیم اکرم نال خراب تعلقات پاروں پاکستان ٹیم نوں نقصان ہویا ۔ وقار یونس دا کہنا سی کہ اوس ویلے سمجھ نہیں سی تے خراب تعلقات رہن دا مینوں ہمیشہ افسوس رہوے گا۔ تفصیل دے مطابق وقار یونس نے اک انٹرویو وچ آکھیا اے کہ وسیم اکرم نال خراب تعلقات پاروں پاکستان ٹیم نوں ڈاڈھا نقصان پہنچیا جہدا مینوں ہمیشہ افسوس رہوے گا۔

اوہناں دا آکھنا سی کہ اوس ویلے میں نوجوان سی ، ایس لئی اینی سمجھ نہیں سی ،پر آف دی فیلڈ وسیم اکرام نال تعلقات خراب سن پر جدوں اسیں گراؤنڈ وچ جاندے سی تے مقابلا اک دوجے نال ہوندا سی۔ اوہناں نے آکھیا کہ ا سیں ہمیشہ اک دوجے توں زیادہ وکٹاں لین دی کوشش کیتی۔ وسیم اکرم نوں صرف میرے نال نہیں بلکہ سانوں پاکستان ٹیم بارے بہت ساریاں گلاں اُتے اختلافات سن جہناں دا نقصان ٹیم نوں ہویا۔