سانحہ ماڈل ٹاؤن؛ 2 ہور گواہواں نے بیان لکھوا دِتا

لاہور (پاکستان پوائنٹ نیوز5۔اگست 2016ء) سانحہ ماڈل ٹاؤن استغاثہ کیس وچ عوامی تحریک دے ہور دو گواہواں حافظ محمد وقار تے صوفی محمد طفیل نے انسداد دہشت گردی دی عدالت لاہور وچ اپنے بیان لکھوائے نیں۔ استغاثہ کیس وچ مجموعی طور اُتے 42 بندے اپنا بیان ریکارڈ کروا چُکے نیں۔ حاجی محمد طفیل جو عوامی تحریک شیخوپورہ دے صدر نیں اوہناں نے اپنے بیان وچ آکھیا کہ ایس پی معروف صفدر تے ایس پی ندیم نے ہور نفری نال رلکے میرے تے تشدد کیتا۔ میرے سِر وچ ڈانڈا ماریا تے مینوں زخمی کیتا تے فیر زخمی حالت وچ ای اغوا کر کے نامعلوم مقام تے لے گئے۔ جدکہ ایس دوران گواہواں نے کُجھ تصویراں وچ عدالت وچ پیش کیتیاں۔