اسلام آباد (پاکستان پوائنٹ نیوز5۔اگست 2016ء) وزیر اعظم نواز شریف نے آکھیا اے کہ حکومت اپنے ترقیاتی ایجنڈے نوں پورے ملک وچ کھلارن لئی پرعزم اے۔ بلوچستان وچ جاری میگا منصوبیاں نال اوتھوں دی لوکائی نوں وی فایدا ہووے گا۔ ساڈیاں سانجھیاں کوششتاں نال بلوچستان وچ امن و استحکام دی راہ پدھر ہووے گی، ساڈی حکومت ترقی تے کم کاری اتے یقین رکھدی اے، عوام معیشت دے سارے شعبیاں وچ مثبت تبدیلی ویکھ رہے نیں، ملک وچ امن و امان دی مجموعی صورتحال وی بہتر ہو گئی اے، عوام دا ساڈیاں پارلیسیاں اُتے اعتماد ساڈی طاقت اے۔
تفصیل دے مطابق جمعے نوں وزیر اعظم نواز شریف نال پختونخوا ملی عوامی پارٹی دے سربراہ محمود خان اچکزئی تے وفاقی وزیر برائے جہاز رانی بندرگاہ میر حاصل بزنجو نے وکھ وکھ ملاقاتاں کیتیاں ،جہدے وچ بلوچستان وچ جاری ترقیاتی منصوبیاں، ملک دی اجتماعی صورتحال اُتے وچار وٹاندرا کیتا گیا۔ ایس موقع اُتے وزیر اعظم نواز شریف دا آکھنا سی کہ حکومت اپنے ترقیاتی ایجنڈے نوں پورے ملک وچ توسیع دین لئی پرعزم اے جد کہ بلوچستان وچ جاری میگا منصوبیاں توں فایدے اوتھوں دی لوکائی چُکے گی۔
اوہناں دا کہنا سی کہ ساڈیاں سانجھیاں کوششاں نال بلوچستان وچ امن و استحکام دی راہ پدھر ہووے گی۔ وفاقی وزیر برائے جہاز رانی میر حاصل بزنجو نے ملاقات وچ وزیر اعظم نوں اپنی وزارت دے مختلف امور بارے آگاہ کیتا۔ ایس توں وکھ حاصل بزنجو نے وزیر اعظم نواز شریف نال بلوچستان دے معاملات اُتے وی گل بات کیتی۔ وزیر اعظم نواز شریف دا آکھنا سی کہ ساڈی حکومت ترقی تے کم کاری اُتے یقین رکھدی اے، عوام معیشت دے سارے شعبیاں وچ مثبت تبدیلی ویکھ رہے جدکہ ملک وچ امن و امان دی مجموعی صورتحال وی بہتر ہو گئی اے۔
عوام دا ساڈیاں پارلیسیاں اُتے اعتماد ای ساڈی طاقت اے۔ایس توں وکھ سربراہ قومی وطن پارٹی تے رکن قومی اسمبلی آفتاب احمد خان شیر پاؤ نے ملاقات کیتی ، ملاقات دوران موجود سیاسی صورتحال اُتے وچار وٹاندرا کیتا گیا۔
