اسلام آباد(پاکستان پوائنٹ نیوز06۔اپریل2017ء) الیکشن کمیشن آف پاکستان نے سیاسی جماعتاں دے اثاثیاں دیاں تفصیلاں جاری کر دتیاں نیں۔ تفصیلاں دے مطابق حکمران جماعت مسلم لیگ (ن) ساڈھے چار کروڑ رُپئے نال پہلے نمبر، پیپلز پارٹی دی آمدن دو کروڑ جدکہ تیجے نمبر اُتے تحریک انصاف اے۔ میڈیا رپورٹس دے مطابق الیکشن کمیشن دیاں تفصیلاں وچ دسیا گیا اے کہ حکمران جماعت نے پارٹی اجلاساں اُتے اک لکھ 35ہزار خرچ کیتے، (ن) لیگ دی آمدن اک کروڑ 65لکھ جدکہ خرچے دو کروڑ توں ودھ نیں۔
جماعت اسلامی دے اثاثے 10کروڑ رُپئے توں ودھ نیں۔ عوامی مسلم لیگ دے اثاثے اک لکھ 38ہزار نیں۔ ایم کیو ایم چار کروڑ 75لکھ، (ق) لیگ دے اثاثے 5کروڑ نیں۔ ایسے طرحاں پیپلز پارٹی دی آمدن دو کروڑ جدکہ خرچے 12کروڑ توں ودھ نیں۔ عوامی تحریک گیارھاں لکھ 34ہزار جدکہ تحریک انصاف اثاثے رکھن والیاں پارٹیاں وچ تیجے نمبر اُتے اے۔
