حکومت نہیں، پاکستان پہلی ترجیح اے، اسیں پاکستان دا سوچنا اے، ساڈا مقصد اقتدار نہیں عوام دی خدمت ، پاکستان دی ترقی تے خشحالی اے، کجھ لوکاں دا مقصد صرف اقتدار حاصل کرنا اے:

وزیر اعظم نواز شریف دا مسلم لیگ (ن) دی پارلیمانی پارٹی دے اجلاس نال خطاب

حکومت نہیں، پاکستان پہلی ترجیح اے، اسیں پاکستان دا سوچنا اے، ساڈا مقصد اقتدار نہیں عوام دی خدمت ، پاکستان دی ترقی تے خشحالی اے، کجھ لوکاں دا مقصد صرف اقتدار حاصل کرنا اے:
وزیر اعظم نواز شریف دا مسلم لیگ (ن) دی پارلیمانی پارٹی دے اجلاس نال خطاب

اسلام آباد (پاکستان نیوز پوائنٹ 04 اگست 2016ء) وزیر اعظم نواز شریف نے آکھیا اے کہ ساڈے لئی حکومت نہیں بلکہ پاکستان پہلی ترجیح پاکستان دا سوچنا اے، ساڈا مقصد اقتدار نہیں عوام دی خدمت اے، پاکستان دی ترقی تے خشحالی اے، کجھ لوکاں دا مقصد صرف اقتدار حاصل کرنا اے، اوہناں نوں ایس گل دا خدشا نہیں کہ اوہ انتشار دی سیاست نال ملک نوں انھیریاں وچ دھکیل رہے نیں، سانوں ایسے عناصر دی حوصلہ شکنی کرنی چاہیدی، بغیر رکاوٹ پاکستان دی ترقی لئی کم جاری رکھنا اے، اسیں اج دے نال کل وی روشن بنان لئی پرعزم آں، اقتصادی راہداری منصوبے نال پاکستان تے پورے خطے دی تقدیر بدل جاوے گی، ایہ اک تاریخی منصوبا اے، ایہ منصوبا چین ولوں پاکستان لئی تحفہ اے، افسوس ہویا کہ کجھ لوکاں نے چینی صدر دے دورا پاکستان وچ اوکڑاں پائیاں، گلگت بلتستان، لوکل باڈیز، کنٹونمنٹ بورڈز تے آزاد کشمیر دے حالیہ انتخابات وچ عوام نے ساڈے اُتے اعتماد دا وکھالا کیتا، اوہدے لئی خدا دے شکر گزار آں، لوکائی جاندی اے کہ کون ترقی دی سیاست کردا اے تے کون انتشار دی، مسلم لیگ (ن) دا ریکارڈ اے کہ اوہ ترقی دی سیاست کردی اے، دہشت گردی اُتے قابو پا لِتا، ضرب عضب دے نتیجے وچ دہشت گرداں دا لک توڑ دِتا گیا اے ایہدے اُتے میں پاک فوج، پولیس، سلامتی دے اداریاں تے عوام نوں خراج تحسین پیش کرنا واں۔

مسلم لیگ (ن) دی پارلیمانی پارٹی دے اجلاس نال خطاب کردے ہوئے اوہناں نے آکھیا کہاقتصادی راہداری اک تاریخ منصوبا اے منصوبے نال پاکستان تے پورے خطے دی تقدیر بدل جاوے گی، منصوبہ چین ولوں پاکستان لئی اک تحفہ اے۔ اوہناں نے آکھیا کہ افسوس اے کہ کجھ لوکاں نے چینی صدر دے دورے دوران پاکستان وچ اوکڑاں پائیاں۔ وزیر اعظم نے آکھیا کہ ساڈا مقصد اقتدار نہیں ، عوام دی خدمت، پاکستان دی ترقی خشحالی اے اج نال ای کل ممکن اے، تے اسیں ای پاکستان دا سوچنا اے۔

اوہناں نے آکھیا کہ میرے لئی پاکستان پہلی ترجیح اے ، پر کجھ لوکاں دا مقصد صرف اقتدار حاصل کرنا اے اوہناں غافلاں نوں ایس گل دا اندازا نہیں کہ اوہ انتشار دی سیاست نال ملک نوں انھیریاں ول دھکیل رہے نیں۔ اوہناں نے آکھیا کہ اج پاکستان دی گنتی صرف اُبھردی ہوئی مارکیٹ وچ وچ ای نہیں بلکہ اُبھردی ہوئی معیشت وچ ہو رہیا اے۔ ضرب عضب دے نتیجے وچ دہشت گرداں دا لُک ٹُٹ گیا اے۔ میں پاک فوج، پولیس، سلامتی دے اداریاں تے عوام دے عزم نوں خراج تحسین پیش کرنا واں، وزیراعظم نے آکھیا کہ اسیں اپنے کم نال دی رفتا نوں ہور تیز کرنا اے۔ اک نویں جذبے دے نال سانوں اپنی حکومت دے آخری دو ورھیاں دے دوران لوکاں دی فلاح بہبود لئی کم کرنا اے۔