اسلام آباد (پاکستان نیوز پوائنٹ 04 اگست 2016ء) حج دی ادائیگی لئی عازمین دا حجاز مقدس ول سفر شروع ہو گیا۔ سارے اہم شہراں دے ایئر پورٹس اُتے سول ایوی ایشن اتھارٹی نے خصوصی انتظامات کیتے نیں۔ اسلام آباد توں 328 عازمین نوں لے کے پی آئی اے دی پہلی اُڈان روانہ ہوئی۔ ایس موقع اُتے عازمین دے رشتے داراں دی وڈی گنتی وی ائر پورٹ اُتے موجود سی۔ وفاقی وزیر مذہبی امور سردار محمد یوسف نے عازمین حج نوں رخصت کیتا۔
ایس توں پہلے تقریب وچ خطاب کردے ہوئے وفاقی وزیر مذہبی امور نے آکھیا کہ حکومت اپنی ہمت توں ودھ عازمین نوں سہولتاں دے رہی اے۔ دوجے پاسے کراچی توں وی نجی ایئر لائن دی اُڈان 320 عازمین نوں لے کے حجاس مقدس لئی روانہ ہوئی۔ لاہور توں پہلی حج اُڈان 220 مسافراں نوں لے کے روانہ ہووے گی۔ ایس سال اک لکھ توں ودھ عازمین نوں حجاز مقدس پہنچایا جاوے گا۔
