گلبرگ وچ تِن منزلہ عمارت وچ اگ لگ گئی، سارا سامان سڑ گیا

لاہور(پاکستان نیوز پوائنٹ 04 اگست 2016ء) صوبائی دارلحکومت لاہور وچ تِن منزلہ عمارت وچ اگ لگن نال لکھاں دا قیمتی سامان سڑ کے سوا بن گیا۔ بلڈنگ وچ کئی کمپنیاں دے دفتر موجود سن۔ لاہور دے علاقے گلبرگ وچ واقع تِن منزلہ اسد سینٹر وچ جمعرات دی سویر اچانک اگ لگ گئی۔ شاپنگ مال دے ملازماں نے اپنی مدد آپ دے تحت اگ بجھان دیاں کوششاں کیتیاں پر اگ کنٹرول توں باہر ہو گئی۔ جہدے تے ریسکیو 1122 نوں اطلاع دِتی گئی۔ ریسکیو دے عملے نے موقع اُتے پہنچ کے اگ اُتے قابو پان دی کوشش کیتی۔ ادھے گھنٹے بعد اگ اُتے قابو پا لِتا گیا۔ متاثرہ پلازے وچ مختلف کمپنیاں دے دفتر موجود نیں۔ اگ لگن دے نتیجے وچ لکھاں رُپئے دا سامان سڑ کے سوا ہو گیا۔ ریسکیو حکام دے مطابق اگ شارٹ سرکٹ پاروں لگی۔