اسلام آباد (پاکستان نیوز پوائنٹ 04 اگست 2016ء) وزیر اعظم نواز شریف نے آکھیا اے کہ دہشت گردی تے بدعنوانی دے خاتمے لئی رلکے کم کرنا ہووے گا۔ توانائی دے تحفظ تے مضبوط رابطیاں لئی کوششاں کر رہے آں۔ اسلام آباد وچ 7ویں سارک کانفرنس دے اجلاس دی تقریب نال خطاب کردے ہوئے وزیر اعظم نواز شریف نے آکھیا کہ پاکستان خطے وچ کئی دہاکیاں توں امن دا خاہشمند اے، پرامن ہمسائیگی دے بغیر امن ممکن نہیں۔
وزیر اعظم نواز شریف نے آکھیا کہ اسیں چاہندے آں کہ ساڈے گوانڈھی ملکاں وچ وی امن تے خشحالی ہووے۔ اوہناں نے آکھیا کہ پاکستان خطے وچ کئی دہاکیاں توں امن دا خاہشمند اے، پرامن ہمسائیگی دے بغیر امن ممکن نہیں۔ وزیر اعظم نواز شریف نے آکھیا کہ خطے وچ چیلنجاں دے باوجود سارک ملکاں نے نمایاں پیشرفت کیتی، خطے وچ ترقی لئی سانجھا تعاون ضروری اے، ساڈی حکومت نے دہشت گردی دے خاتمے لئی کم کیتا، جہدے پاروں واضح کامیابیاں حاصل کیتیاں، دہشتگردی تے بدعنوانی دے خاتمے لئی سارک ملکاں نال رلکے کم کرن لئی پرعزم آں۔
اوہناں نے آکھیا کہ سارک داخلا وزیراں دی 7ویں کانفرنس دی میزبانی پاکستان دا اعزاز اے، کانفرنس وچ خطے دے اہم معاملات اُتے گل بات ہووے گی، خطے دی ترقی لئی سانجھا تعاون ضروری اے۔ وزیر اعظم نے آکھیا کہ ساڈی حکومت نے دہشت گردی دے خاتمے لئی کم کیتا تے دہشت گردی دے خاتمے لئی واضح کامیابیاں حاصل کیتیاں نیں، چیلنجاں دے باوجود سارک ملکاں نے نمایاں پیشرفت کیتی، خطے وچ سارک پہلے توں زیادا متحرک تے فعال کردار ادا کر رہی اے۔
اوہناں نے آکھیا کہ جنوبی ایشیاء وسایل نال مالا مال خطا اے۔ تے ایتھوں دی عوام دی خشحالی لئی رلکے کم کرنا ہووے گا۔ پاکستان توانائی دے تحفظ لئی اقدامات کر رہیا اے تے خطے وچ مضبوط رابطیاں لئی کوششاں وی جاری نیں۔ امید اے کہ سارک دے فیصلے رکن ملکاں لئی حوصلا مند ثابت ہون گے۔ وزیر اعظم نے آکھیا کہ دہشتگردی تے بدعنوانی لئی سارک نال رلکے کم کرن دا عزم اے، امید اے کہ سفارشاں نال خطے وچ تاجر برادری نوں فایدا پہنچے گا تے اسیں چاہندے آں کہ ساڈے گوانڈھی ملک پرامن تے خشحال ہون، پاکستان کئی دہاکیاں توں امن دا خاہشمند اے، پرامن ہمسائیگی دے بغیر امن ممکن نہیں اے۔
