وزیر اعظم ممکنہ طور اُتے میڈیکل چیک اپ لئی برطانیا جان گے تے اوتھوں استعفی گھل دین گے: ڈاکٹر شاہد مسعود

اسلام آباد(پاکستان پوائنٹ نیوز25۔مارچ2017ء) نجی ٹی وی چینل اُتے اپنے پروگرام وچ گل بات کردے ہوئے ڈاکٹر شاہد مسعود نے آکھیا کہ میری وزیراعظم نواز شریف دے قریبی وسیلیاں نال گل بات ہوئی، گل بات دوران مینوں پتا لگا کہ وزیر اعظم نوں مشورا دتا گیا اے کہ اوہ پاناما دا فیصلا آن توں پہلے چیک اپ لئی برطانیا چلے جان تے اوتھوں استعفی گھل دین۔ ڈاکٹر شاہد مسعود نے آکھیا کہ مینوںیقین اے کہ وزیر اعظم ہاﺅس میری ایس خبر نوں رد کرے گا پر میں اپنی ایس خبر اُتے قائم رہواں گا۔ کیونکہ وزیر اعظم سنے ساریاں نوں پتا اے کہ پاناما دا فیصلا سخت اے تے ہن کوئی اجیہی راہ کڈھن دی کوشش کیتی جا رہی اے تاں جے میاں صاحب محفوظ رہن۔ ڈاکٹر شاہد مسعود نے آکھیا کہ ایس توں پہلے وی وزیر اعظم نوں برطانیا دے دورے دوران مشورا دتا گیا سی اوہ پاکستان وچ اسحاق ڈار نوں مورچے سنبھالن دین پر فیر ممکنہ طور اُتے آصف علی زرداری نے وزیر اعظم نال گل بات کر کے اوہناں نوں سپورٹ کرن دی یقین دہانی کروائی جہدے مگروں وزیر اعظم واپس آ گئے سن۔ ڈاکٹر شاہد مسعود نے ہور کیہ آکھیا تُسیں وی سنو!