فوجی عدالتاں وچ آئین اندر ترمیم دا بل قومی اسمبلی وچ پیش کر دتاگیا

اسلام آباد(پاکستان پوائنٹ نیوز20۔مارچ2017ء) حکومت نے فوجی عدالتاں وچ آئین اندر ترمیم دا بل قومی اسمبلی وچ پیش کر دِتا، بل وزیر قانون نے 28ویں آئینی ترمیم وچ ہور ترامیم نال پیش کیتا جدکہ شیخ رشید تے محمود اچکزئی نے بل دی مخالفت کیتی۔ تفصیل دے مطابق وفاقی وزیر قانون زاہد حامد نے آکھیا کہ 28ویں ترمیمی بل 2017نوں ترمیم نال پڑھیا جائے۔ شیخ رشید تے محمود اچکزئی نے بل دی مخالفت کردے ہوئے آکھیا کہ اسیں حکومت نوں اپنے موقف بارے دس دِتا۔

عوامی مسلم لیگ دے سربراہ شیخ رشید نے آکھیا کہ مختلف عدالتاں وچ 17لکھ مقدمے سنوائی ہیٹھ نیں۔ عدالتاں دے نظام نوں ٹھیک کرن دی لوڑ اے۔ رہنما پختونخوا ملی عوامی پارٹی محمود اچکزئی نے آکھیا کہ کوئٹہ دھماکے مگروں سپریم کورٹ دے ججاں نے رپورٹ جاری کیتی۔ رپورٹ اندر ذمے واراں دی نشان کاری کیتی گئی اے۔ بل دی حمایت اعلا عدلیا دے ججاں اُتے عدم اعتماد ہووے گا پر بل دی حمایت کر کے عدالتاں نال ناانصافی نہیں کر سکدا۔ اوہناں دا کہنا سی کہ پاکستانی فوج نے سیاست وچ حصہ نہ لین دا حلف چکیا اے۔ آئین دی خلاف ورزی اُتے صدر دا مواخذہ ہو سکدا اے۔