پاکستان نے افغانستان توں دہشت گرداں دی آمد روکن لئی سرحد اُتے تار لانی شروع کر دِتی

اسلام آباد(پاکستان پوائنٹ نیوز13۔مارچ2017ء) پاکستان نے افغانستان توں دہشت گردی، اسلحا تے منشیات دا راہ روکن لئی افغان سرحد اُتے 2430کلو میٹر لمی تار لان دا کم شروع کر دِتا۔ میڈیا رپورٹس دے مطابق پہلے مرحلے وچ افغان سرحد دے نال نال کے پی کے تے فاٹاوچ 13سو کلو میٹر تک اہم پوائنٹ اُتے تار لان دا کم شروع کیتا گیا اے۔ تار توں وکھ پاکستان اندر آن والے مشتبہ دہشت گرداں دی فضائی نگرانی لئی اُچیچا راڈار سسٹم وی لایا جا رہیا اے، جو مشتبہ بندیاں دی آوا جاوی اُتے نظر رکھے گا۔

میڈیا رپورٹس دے مطابق پاکستان نے پہلے مرحلے وچ چمن قندھار سرحد اُتے 11سو کلو میٹر کھدائی دا کم پورا کر لیا اے منصوبے دے مطابق جنوبی وزیرستان، شمالی وزیرستان، کرم تے مہمند ایجنسی وچ ہور 4چیک پوائنٹ قائم کیتے جان گے تاں جے قانونی طور اُتے آن والے لوکاں نوں سہولتاں دِتیاں جا سکن۔