حکومت پانامہ لیکس دے معاملے تے ہٹ دھرمی دا مظاہرہ کر رہی اے، انجینئر یاسر گیلانی مسلم لیگ ن تحریکاں مظاہریاں تے دھرنیاں دے لئی خود ماحول بنا رہی اے ، رہنما تحریک انصاف

لہور(پاکستان پوائنٹ نیوز 02 -اگست2016 ء) پاکستان تحریک انصاف دے سینئر رہنما انجینئر یاسر گیلانی نے آکھیا کہ حکومت پانامہ لیکس دے معاملے تے ہٹ دھرمی دا مظاہرہ کر رہی اے تمام اپوزیشن جماعتاں دا حکومت دے غلاف اک ہی موقف اے مسلم لیگ ن تحریکاں مظاہریاں تے دھرنیاں دے لئی خود ماحول بنا رہی اے کارکناں نال گل بات کردے ہوئے انجینئر یاسر گیلانی دا کہنا سی کہ اپوزیشن جماعتاں دے کول تحریک چلان دے سوا کوئی راستہ نہیں بچیا جس طرح دھاندلی دے معاملے تے حکمرامناں تے بد نیتی دا مظاہرہ کیتا ہن وی ایس ڈگر تے چل رہے نیں اوناں نے آکھیا کہ تحریک انصاف 7 اگست نوں حکمراناں دے خلاف بھرپور طریقے نال میدان وچ اترے گی تے عوام وچ کرپشن دے خلاف شعور دی بیداری پید ا کرن دے علاوہ حکومت تے پانامہ لیکس دی تحقیقات وچ پہلے وزیراعظم تے اوناں دے خاندان دا احتساب کرن دے لئی دباؤ ودھاے گی عوام نوں کرپٹ اشرافیہ تے مستحکم جمہوریت وچ کسی اک دا انتخاب کرنا ہوویگا۔