اسلام آباد(پاکستان پوائنٹ نیوز07۔مارچ2017ء) تحریک انصاف نے بغیر انتخابی اصلاحات دے آن والے انتخابات نہ لڑن دا فیصلا کر لیا، پی ٹی آئی دا کہنا اے کہ پارلیمنٹ دے مسودے وچ ہور ترامیم کیتیاں جان۔ اعلامیے مطابق تحریک انصاف دی اصلاحاتی کمیٹی دا اجلاس ہویا۔ اجلاس وچ جہانگیر ترین، اسد عمر، عارف علوی، غلام سرور تے اعظم سواتی تے ہور رہنماواں نے رلت کیتی۔
سیکرٹری جنرل پی ٹی آئی جہانگیر ترین نے آکھیا کہ پی ٹی آئی نے انتخابی اصلاحات دا حتمی مسودا تیار کر لیا اے۔ عمران خان دی منظوری مگروں مسودا حکومت نوں پیش کر دِتا جائے گا۔ اجلاس وچ بغیر انتخابی اصلاحات دے آن والے انتخابات نہ لڑن دا فیصلا کیتا گیا جدکہ اوورسیز پاکستانیاں نوں ووٹ دا حق دین لئی قراردادلیان دا فیصلا وی کیتا گیا۔ جہانگیر ترین دا کہنا سی کہ اوورسیز پاکستانیاں نوں ووٹ دا حق دوان لئی الیکشن کمیشن اُتے دباءپاواں گے۔ جہانگیر ترین نے آکھیا کہ موجودا الیکشن کمشنرز دیاں تقرریاں اُتے تحفظات نیں۔ تعیناتیاں بارے الیکشن کمیشن دی وضاحت ضروری اے۔
