جھنگ وچ وزیراعلی پنجاب دی آمد تے مچھلی فروشاں دی ہٹیاں مسمار

جھنگ (پاکستان پوائنٹ نیوز 02 -اگست2016 ء) جھنگ وچ وزیراعلی پنجاب دی آمد تے مچھلی فروشاں دی دکاناں نوں مسمار کر دتا گیا شہباز شریف نے ہیڈ تریموں توسیع منصوبے دے افتتاح لئی آنا سی تفصیلات دے مطابق وزیراعلی پنجاب شہباز شریف نے جھنگ وچ ہیڈ تریموں وچ اک توسیع منصوبے دے افتتاح لئی آنا سی جہدے تے انتظامیہ نے سکیورٹی ایشوز دیوجہ نال ہیڈ تریمودے کول مچھلی فروشاں دی دکاناں نوں مسمار کر دتا مقامی انتظامیہ دا کہنا اے کہ ایہہ دکاناں سکیورٹی رسک سن ایس لئی اوناں نوں صاف کیتا گیا اے اپنی دکاناں ڈگن تے مچھلی فروشاں نے شدید احتجاج کیتا تے آکھیا کہ حکومت دے ایس اقدام توں اسیں بے روز گار ہو گئے آں اسیں اپنے بچیاں نوں دو ویلے دی روٹی نہیں کھلا سکاں گے اوناں نے وزیراعلی پنجاب توں اپیل کیتی کہ ساہنوں متبادل جگہ فراہم کیتی جاوے۔