وزیراعلی پنجاب دے دورہ چین توں معاشی ترقی دی نویں راہاں کھلن گیاں،نعیم اللہ گل

وزیراعلی پنجاب دے دورہ چین توں معاشی ترقی دی نویں راہاں کھلن گیاں،نعیم اللہ گل

لہور(پاکستان پوائنٹ نیوز 02 -اگست2016 ء) مسلم لیگ ن دے رکن پنجاب اسمبلی نعیم اللہ گل نے آکھیا کہ وزیراعلی پنجاب دے دورہ چین توں معاشی ترقی دی نویں راہاں کھلن گیاں پنجاب وچ معشای ترقی تے خوشحالی دے نویں دور دا آغاز ہوویگا وزیراعلی پنجاب دا دورہ چین انتہائی کامیاب رہیا ایس دورے دے بعد پاکستان وچ چین مزید سرمایہ کاری کرے گا ایتھے بے روز گاری دا ہمیشہ ہمیشہ لئی خاتمہ ہو جاویگا چین مشکل دی ہر گھڑی وچ پاکستان نوں اپنے نال پائے گا چین نوں دوجی وڈی معاشی طاقت بنان وچ کمیونسٹ پارٹی چینی صدر شی جن پنگ تے وزیراعظم لی کی چیانگ دا بہت وڈا ہتھ اے تے چین دی ترقی ایس دی قیادت تے عوام دی محنت تے قربانیاں دا معجزہ اے ساڈی حکومت صرف چین دی تعریف ہی نہیں کردی بلکہ چین دی ترقی توں بہت کجھ سکھن دی وی کوشش کردی اے اوناں نے آکھیا کہ ایس ویلے چین وچ 70 پاکستانی طالباء و طالبات چینی زبان سکھ رہے نیں جواناں دے مزید وفود جلد چین بھجوان گے اوناں نے آکھیا کہ ساڈے کول اوہ الفاظ نہیں کہ چین دے بے پایاں تے نا قابل فراموش تعاون دا شکریہ ادا کر سکن۔