ڈیفنس دھماکا: ’ائر لنک‘ دے سینئر افسر معظم پراچا دھماکے دا نشانا بن گئے

ڈیفنس دھماکا: ’ائر لنک‘ دے سینئر افسر معظم پراچا دھماکے دا نشانا بن گئے

لاہور(پاکستان پوائنٹ نیوز23۔فروری2017ء) لاہور دے علاقے ڈیفنس دی مارکیٹ وچ دھماکا ہویا، دھماکے دے نتیجے وچ 8بندے ہلاک تے 30توں ودھ زخمی ہوئے۔ زخمیاں وچوں 5دی حالت خطرے وچ دَسی گئی اے ۔ دھماکے دے نتیجے وچ ہلاک ہون والے بندیاں وچ ائر لنک دے سینئر افسر معظم پراچا وی شامل نیں جدکہ اوہناں دے نال موجود ائر لنک دے اک ہور اعلا افسر ایس ویلے ہسپتال وچ زخمی حالت وچ زندگی تے موت دی جنگ لڑ رہے نیں۔

’ائر لنک ‘ نے موبائل کمپنی ہواوے لئی مقامی ڈسٹری بیوٹر دے طور اُتے اپنا ناں کمایا۔ ہواوے نوں پاکستان وچ اعلا درجے دا برانڈ بنان وچ ائر لنک دا وڈا ہتھ اے۔ ائر لنک نے پچھلے دِنا ای سام سنگ لئی ڈسٹری بیوشن کنٹریکٹ وی لیا۔ ڈیفنس دھماکے وچ ہلاک ہون والے معظم پراچا دی نمازجنازہ عشاءدی نماز مگروں پڑھی جائے گی۔